Либери, Гвиней, Сьерра-Леонд тархаад байгаа Эбола вирусын халдвараар амь алдсан хүний тоо 2097 хүрлээ гэж Дэлхийн эрүүл мэндийн байгууллага баасан гарагт тараасан мэдээлэлдээ тэмдэглэжээ.  Харин халдвар авсан хүний тоо 3944-өөс багагүй гэж энэ мэдээлэлд дурдсан байна. Эболагийн дэгдэлт бас хөрш Нигери, Сенегал улсуудад бүртгэгдсэн байна.  ДЭМБ-ын мэдээгээр энэ хоёр оронд  найман хүн амь алдаж, 23 хүн халдвар аваад байгаа юм байна.  Өнөөдрийн байдлаар халдвар авсан нийт хүний 50 хувь нь амь алдаж байна гэж ДЭМБ мэдээлжээ.

Хоёрдугаар сараас баруун Африкт тархаж эхэлсэн Эбола вирусыг эмчлэх, халдварыг зогсоох, хүмүүсийг урьдчилан сэргийлэх ажилд Еврокомисс Гвиней, Сьерра-Леон, Либери и Нигери улсуудад 140 сая евро тусламж болгон илгээх шийдвэр гаргаад  байгаа юм.