Туркийн Стамбул хотын Шишли дүүрэгт барьж байсан барилгын 32 дугаар давхраас цахилгаан шат унаж дотор нь явсан 10 барилгачин нас барсан харамсалтай осол гарсан байна. Осол олон зориулалтаар ашиглах Torunlar төвийн барилга дээр болсон байна.
Стамбул хотын захирагч Хусейн Авни Мутлугийн мэдэгдсэнээр осол гарахад  гэм буруутай байж болох 8 хүнийг баривчлан саатуулаад шалгаж эхэлсэн байна. Осол ажлын бус цагаа болсныг ч захирагч мэдэгджээ. Тэр ээлжийн ажил  19,00 цагт дуусах ёстой байтал осол түүнээс хойш 45 минутын дараа болсон байна. Үүний зэрэгцээ цахилгаан шат бараг 15 хоногийн өмнө эвдэрч түүнийг засахыг хүлээсээр байсан мэдээлэл ч байна.