Тайландад энэ оны тавдугаар сарын 22-нд цэргийн эргэлтээр гарч ирсэн Засгийн газар Ерөнхий сайд байсан Йинглак Чинаватыг эргүүлэн татах ажиллагааг Авлигын эсрэг үндэсний комиссын санаачилгаар ойрын өдрүүдэд хэрэгжүүлнэ гэж тус байгууллагын ерөнхий нарийн бичгийн дарга Сансен Пхончиакын түгээсэн мэдэгдэлд дурджээ.
“Ерөнхий сайд асан Йинглак Чинават нь цагаан будааны татварын талаарх засгийн газрын хөтөлбөрийг хэрэгжүүлэхдээ хариуцлагагүй хандсаныг манай комисс баримтаар баталсан. Мөн эрх баригч намаас парламентад суугаа гишүүдтэй хамтран Үндсэн хуульд өөрчлөлт оруулах гэсэн хариуцлагагүй оролдлогын талаар ч нотлох баримтууд байна. Энэ бүх материалуудыг Үндэсний хууль тогтоох ассамблейд өгч түүнийг Ерөнхий сайдаас эргүүлэн татах ажиллагааг хэрэгжүүлэх болно” гэж мэдэгдэлд дурджээ. Ерөнхий сайд асан Чинаватыг тариачид, фермерүүдэд улсын төсвөөс санхүүгийн дэмжлэг олгохдоо  цагаан будааг өндөр үнэлж татвар авсан, харин улс хураан авсан будааг засгмийн газар хоорондын гэрээгээр гадаадад гаргахаар төлөвлөж байсан гэж төлөвлөж байсан гэж буруутгаж байна. Энэ бүхэн нь 2013,2014 онуудадсөрөг хүчний жагсаал, эмх замбараагүй байдлыг дагуулсан, үүнээс болж засгийн газар фермерүүдэд олон тэрбумын өртэй болсон байна.