“Узбекстаны лалын хөдөлгөөн”-ий тэргүүн Усмон Гози өөрийн байгууллагаа “Лалын улс”-тай нэгдэж байгааг албан ёсоор зарласан байна. Оросын РИА Новости агентлагийн мэдээлснээр Узбекстаны хууль хяналтын байгууллагын эх сурвалж өөрийн нь иргэд  “Лалын улс”-ын дайчидтай хамт байлдаж байгаа баримт болох дуу болон дүрс бичлэг олсон тухайгаа хэлсэн байна. Узбекстаны лалын шашинтнууд Афганистан, Пакистаны хил орчимд байдаг  лагерууддаа шинэ гишүүдээ сургах, цэргийн бэлтгэл хийлгэх ажлаа улам идэвхжүүлж байгааг эх сурвалж хэлжээ.
Үүнтэй зэрэгцээд Узбекстаны тусгай албад терроризмын эсрэг арга хэмжээгээ идэвхжүүлж тагнан турших сүлжээгээ сайжруулж эхэлсэн байна.  
Үүний өмнө европын болон америкийн хэвлэл мэдээллийн хэрэгслүүд “Лалын улс”-ын зэвсэгт дайчид Европын холбоо болон АНУ-ын эсрэг халдлага үйлдэхээр бэлтгэж байгаагаар мэдээлсэн  юм. Зэвсэгт бүлэглэлүүд өөрийн дайчдыг Европ руу Сирийн дүрвэгчийн хэлбэрээр гаргаж магадгүй гэнэ.