Мягмар гарагийн өглөөгүүр Умард Солонгосын цэргийн хөлөг онгоц Шар тэнгис дэх цэрэггүй бүсийг нэвтэрсний улмаас Өмнөд Солонгос, БНАСАУ-ын эргүүлийн хөлөг онгоцууд харилцан буудалцсан байна. Энэ талаар Өмнөд Солонгосын штабын дарга нарын нэгдсэн хорооны мэдээллийг иш татан”Ренхап” агентлаг мэдээллээ. Мэдэгдэлд “Умардын хөлгийг зогсоохын тулд манай цэргийнхэн урьдчилан сануулаад  дараа нь анхааруулахаар буудсан” гэсэн байна.
Харин БНАСАУ-ын хөлөг онгоц анхааруулгыг хүлээн авалгүйгээр хариу гал нээсэн,  “Энэ нь биднийг дахин гал нээхэд хүргэсэн. Үүний дараа л хөлөг онгоц эргэж явсан” гэж Өмнөд Солонгосын цэргийн  төлөөлөгч тэмдэглэжээ.
Аль нэг тал нь хохирол хүлээсэн эсэх, хүн шархадсан талаар мэдээлэлд дурдаагүй байна.