Японы нэгэн их сургуулийн оюутан залуу “Лалын улс” зэвсэгт бүлэглэлийн талд байлдахаар Сири рүү явах гэж байсныг мягмар гаригт хууль сахиулагчид саатуулжээ.  Тэрээр мягмар гарагт Турк руу нисээд тэндээсээ Сирид очих гэж байсан гэнэ. Түүний компьютер дэх “Лалын улс”-ын сэдэвтэй дүрс бичлэгүүдийг найзууд нь үздэг байсан  ч түүнийг ингэж тэдний талд орох юм гэж хэн нь ч сэжиглээгүй байна.
Тэрээр нэг удаа дэлгүүрт ороод Сирид ажиллахыг урьсан хуудас зарлал үзээд зэвсэгт дайчдын талд орох санаа төрсөн гэнэ.  Хууль сахиулагчдын тогтоосноор бол залуучууд лалын шашны мэргэжилтэн  нэгэн профессортой танилцаж тэр нь тэднийг уриалдаг байсан бололтой. Цагдаагийнхан одоо тэр профессорын байранд нэгжлэг хйж байгаа юм байна.
Үүний өмнө Японы есөн ч иргэн “Лалын улс”-ын талд байлдаж байгаа гэсэн хэвлэлийн мэдээллийг Засгийн газар нь батлагдаагүй мэдээлэл гэж байсан юм. Харин Япон улс “Лалын улс” зэвсэгт бүлэглэлийн эсрэг дайтаж байгаа Ирак болон бусад улс орнуудад 50 сая долларын хүмүүнлэгийн туслалцаа илгээгээд байгаа юм.