Украины ерөнхийлөгч байгаад, эх орондоо үймээн дэгдээгээд шившигтэйгээр зугтаж Орост очоод байгаа Виктор Янукович өнөөдөр оросын Ростов-на-Дон хотноо хэвлэлийн хурал зарлаж хийх гэнэ. Янукович болон түүний ойр хүрээллийнхэн Украины дорнод нутгийнхныг удахгүй болох парламентын ээлжит бус сонгуулиар өөрийн “Бүс нутгийннам” болон, өнөөгийн Сөрөг хүчний төлөө санал өгөхийг уриалах гэж байгаа бололтой. “Януковичийн хийх мэдэгдлийн анхны хувилбартай бид танилцсан. Тэрээр өөрийн талынхан, “Бүс нугтгийн нам”-ын сонгогчдод хандах гэж байгаа юм билээ. Баримт бичгийг их л хатуу өнгө аясаар бэлтгэсэн байсан” гэж The Moscow Post хэвлэлд бичжээ. Хэвлэлүүдийн онцолсноор бол зугтаасан ерөнхийлөгч хүйтэн өвлийн тухай, өлсгөлөнгийн туххай, барууны талыг баримтлагчдын төгсгөлийн тухай, Украин өнөөдөр юун дээр тогтнож байгааг дурдсан байгаа гэнэ.

Украин улс Европын холбоотой хийж байсан гэрээгээ тасалдуулан оросын талыг баримталж эхэлснээс үүдэн Украин  даяар өрнөсөн эсэргүүцлийн хөдөлгөөний  улмаас Виктор Янукович эх орноо орхин зугтааж  оросын ивээлд орон Ростов-на-Дон хотноо хамтран амьдрагч Любов Поленатай амьдарч байгаа юм.