Британийн Financial Times сонины сурвалжлагч Кортни Уивер саяхан Украины  дорнод нутгийн Луганск бааранд оросын цэргийн албан хаагчидтай уулзсан тухайгаа сониндоо нийтэлсэн байна. “Луганск хотын “Плакучая ива” кафед Селин Дионы дуу эгшиглэж байсан тэр орой оросын цэргийн зургаан албан хаагч хоол идэж, архи уухаар орж ирсэн. Цэргүүд хоёр ширээнд хуваагдан сууж архи ууж байснаа барууны сэтгүүлчдийг ширээндээ урьсан юм” гэж Кортни Уивер бичжээ.
Түүнийхээр бол энэ цэргүүд украины босогчдоос огт өөр, дэлгүүр худалдааны төв, захуудад худалдаалдаг хээрийн ангийн болон загасчлахад өмсдөг хувцаснаас  тэс ондоо хээрийн цэргийн хувцастай байсан гэнэ. Үүнээс гадна тэд зэвсгээ биеэсээ огт салгахгүй байжээ.
Зоогийн газарт өөр бас зургаан дайчин байсан нь хувцасаараа ч өөр, тэгээд ч биедээ зэвсэггүй байсан байна.

Орос цэргүүд Украины зүүн өмнөд бүс нутагт нутгийн иргэдийг сургаж дадлагажуулахаар ирсэн гэж ярьсныг  британи сэтгүүлч бичжээ. Тэд Луганск сарын өмнө ирсэн гэсэн бол Домбасст өөр сургагчид байгаа эсэх нь тодорхойгүй гэнэ.
Уиверийн танилцсан Оросын Воронеж мужаас ирсэн Максимов гэгч орос цэрэг  Украинд ирсэн тухайгаа “Бид сайн дурынхан. Биднийг хэн ч нааш илгээгээгүй. Бидэнд харин хэн сайн дураараа Украин руу явахыг хүсч байна гэж тушаасан. Тэнгээд л бид бүгдээрээ гар өргөөд энд ирсэн” гэж ярьжээ.
“Луганск хотод буудалцах нь зогссон ч гэсэн оройн 20 цагаас хойш хөл хорих цаг тогтоосон. Хөл хорих цаг дөхөөд ирэхээр орос цэргүүд гарахаар болж тэдний дарга Слава гартаа нэг шил архи бариад хаалга руу чиглэсэн дээ. Нэг цэрэг нь “Биднийг харсаар байтал сая сая хүн үхэж байна” гэж сурвалжлагч руу хашгираад тэд гарч одсон” гэж британий сэтгүүлч бичсэн байна.