Туркийн Ерөнхийлөгч Режеп Таийп Ердоганы шинээр бариулсан тансаг ордон олны хэл амны бай болсоор байна. Вашингтоны Цагаан ордноос 30 дахин, Парисын Версалиас дөрөв дахин том энэхүү ордныг босгоход 615 сая ам.доллар зарцуулсан болохыг Туркийн Сангийн сайд өнгөрсөн мягмар гарагт мэдэгдлээ. Уг нь, тус ордонг анх 315 сая ам.доллараар барих тооцоо гарч байсан юм.
3,1 сая фит талбайтай, 1000 өрөөтэй энэ аварга том ордныг барих ажил Режеп Таийп Ердоганыг Ерөнхий сайд байхаас эхэлсэн. Түүнийг татвар төлөгчдийн мөнгийг өөрийн тансаглалдаа хэтэрхий үрэлгэн зарцуулж байна хэмээн олон нийт шүүмжлээд дээрээс нь шүүхийн шийдвэр гараад ч ордон барих ажлыг зогсоож чадаагүй билээ.