Дэлхийн хоёрдугаар дайны жилүүдэд звөлөлтийн ард түмэнд чин сэтгэлээсээ тусалж байсан монголын ард түмэнд зориулсан хөшөө ОХУ-ын нийслэлд босгох талаар   Москва хотын эрх баригчид  ярилцаж байгаа юм байна. Тэд энэ сарын 17-ны өдөр Монголын нийслэл Улаанбаатар хотын ИТХ-ын төлөөлөгчидтэй уулзсаныхаа дараа энэ талаар ярьж байна гэж Москва хотын Думын дарга Алексей Шапошников мэдэгджээ.
Түүний хэлснээр бол 2015 онд багтаан босгох энэ хөшөөний асуудлыг хотын урлаг, хөшөө дурсгалын комисст шилжүүлэн шийдвэрлэх гэнэ.
“Хөшөө босгох асуудлыг Москва хшотын Думээр эхлээд хэлэлцэнэ. Тэгээд дараа нь мэргэжлийн комисс зураг төслөө гаргаад хэзээ, хаана босгохыг шийднэ” гэж Москвагийн Думын хэвлэлийн алба мэдээлжээ.
Улаанбаатар хотын ИТХ-ын дарга Д.Баттулга бас монголын нийслэлд Москва хотын гудамж байгуулах тухайгаа дуулгажээ. Улаанбаатарт Стамбул, Сөүл, Бээжингийн гудамж байдаг атал Москва хотын нэрэмжит гудамж өнөө хүртэл байхгүй байгааг дурдсан байна. Ийн оросын нийслэлийн гудамж байгуулахыг  Москва хотын Дум дэмжсэн байна. Москва хотын даргын орлогч Андрей Метельский бүр зөвхөн гудамж ч биш, өргөн чөлөө байгуулъя гэсэн байна.