Хэдхэн өдрийн өмнө албан тушаалаасаа халагдсан Гондурасын Үндэсний цагдаагийн газрын дарга Рамон Сабильон орны хүндээ ажлаа өгөхөөс татгалзажээ. Тэрээр өөрийг нь дэмждэг цагдаа нарын хамт цагдаагийн газрын байрыг битүүмжлэн эсэргүүцэл үзүүлэхэд бэлдэж эхэлсэн аж. Харин Нью-Йоркт олон улсын чуулга уулзалтад оролцож байгаа Гондурасын Ерөнхийлөгч Хуан Орландо Эрнандес цагдаагийн даргыг огцруулах болсон тухайгаа "Улс орын аюулгүй байдлыг стратегид өөрчлөлт оруулах шаардлагатай болсон" гэжээ.

Гондурасын цагдаагийн экс дарга Рамон Сабильон нь сүүлийн 11 сарын турш авлигад идэгдэн, нэр хүндгүй болсон цагдаагийн газрынхаа ажлыг сайжруулах гэж олон зүйл хийсэн юм байна. Түүний явуулж байгаа бодлогыг Гондурасын 12 мянган цагдаа нарын дийлэнх олонх нь дэмжиж байгаа аж. Ингэснээр экс даргыг хүч хэрэглэн баривчлах гэвэл дэмжигч цагдаа нар зэвсэглэсэн эсэргүүцэл үзүүлснээр төрийн эргэлт гарах, улсыг хамарсан үймээн самуун дэгдэх аюултай болжээ.


2009 онд Гондурасын тухайн үеийн Ерөнхийлөгч Мануэль Селайя нь Батлан хамгаалахын сайд, зэвсэгт хүчний штабын дарга, Цэргийн нисэх хүчний дарга, Хуурай замын хүчин ба Тэнгисийн явган цэргийн дарга нараа халсны дараагаар тус улсад төрийн эргэлт гарч байв. Тэрийн эргэлтээр түлхэн унагагдсан Ерөнхийлөгч нь өөр улсын Элчин сайдын яам руу зугатан орсон тулдаа эсэнд үлдсэн. Тухайн үед дэлхийн нийтээр энэ төрийн эргэлтийг эрс шүүмжилсэн тул цэргийнхэн арга буюу буулт хийж Ерөнхийлөгч буцан суудалдаа сууж байсан юм.