Энэтхэгийн кино од Гауахар Ханыг телевизийн дууны уралдааныг хөтөлж байх үед үзэгчдийн дунд байсан нэгэн эр түүнийг хэтэрхий ил задгай хувцаслалаа хэмээн алгадаад авчээ. Гауахар Хан богино даашинз өмссөн байхыг харсан үзэгч залуу шууд нэвтрүүлэг явж байгааг ч үл тоон тайзан дээр гарч ирээд хөтлөгчийг алгаджээ. Тэрээр хөтлөгч бүсгүйг лалын шашинт эмэгтэйн ёс журмыг зөрчиж биеэ ил гаргасан хувцас өмссөнд уур нь хүрсэн гэж цагдаагийнханд мэдүүлжээ.  2500 гаруй үзэгчийн өмнө болсон тэмцээний үеэр 250 гаруй хамгаалагч ажиллаж байсан атлаа тайз руу түүнийг яаж гарсныг тайлбарлаж чадахгүй байна.