Пакистаны Малала Юсафзай охин Нобелийн энхтайвны шагналаа гардан авахын өмнө Осло дахь Нобелийн энхтайвны төвд түүний талибанчуудад буудуулах үедээ өмсч явсан сургуулийн дүрэмт хувцсыг олон нийтэд дэлгэн харуулсан байна. 2012 онд 15 настайдаа террористуудын бууны суманд өртөж, хүнд шархадсан Малала охины хувцас, ороолт зэрэг нь цусны толботой тэр хэвээрээ үлдсэнийг шилэн хоргонд хийж, нийтэд үзүүлжээ.
Малала Юсафзай 2014 оны Нобелийн энхтайвны шагналыг Энэтхэгийн идэвхтэн Кайлаш Сатяартхитэй хамт хүртэж байгаа юм. Энэтхэг, Пакистаны идэвхтнүүд нэгэн зэрэг Нобелийн шагнал хүртэж байгаа нь энэ бүс нутагт хилийн маргаанаа эцэслэж, энхтайван тогтооход тустай хэмээн найдаж буй.