Өнөөдөр өглөөгүүр австралийн Сидней хотын төвд орших кафенд лалын шашинтнуудын  барьцаалсан үйлчлүүлэгчдээс гурав нь зугтааж амжсан байна. Гэмт хэрэгтнүүд үйлчлүүлэгчдйин хоёроор нь араб бичигтэй туг бариулан цонхон тушаа зогсоож байгаа юм. 

Гарч ирсэн эрэгтэйн хэлснээр бол тэнд дэлбэлэх бодис бүхий дөрвөн гэмт хэрэгтэн Австралийн ерөнхий сайд Тони Эботтой хэлэлцээр хийхийг шаардаж байгаа гэнэ. Харин хууль сахиулагчид одоохондоо ямар  ч тэсэрч дэлбэрэх бодис  илрүүлээгүй гэж байна. “Бид хэд хэдэн дуудлагын мөрөөр шалгасан. Бүгд худал дуудлага байсан” гэж Шинэ Өмнөд Уэльс мужийн цагдаагийн дарга хэлжээ.

Цагдаагийнхан гэмт хэрэгтнүүдтэй холбоо тогтоож хараахан амжаагүй байна. Ойролцоо байдаг Сиднейн дуурийн театр, бусад барилгыг хүчлэн хамгаалж  метроны “Мартин Плейс” өртөөг хаан тээврийн хэрэгслийн хөдөлгөөнийг зогсоож хүмүүсийг нүүлгэн шилжүүлж байна.