Умард Солонгосын удирдагч Ким Чен Унаар толгойлуулсан БНАСАУ-ын Үндэсний бталан хамгаалах хороо АНУ-ын эсрэг бүх төрлийн зэвсэг ашиглан дайрахад бэлэн байна гэж мэдэгдлээ.
АНУ-ыг БНАСАУ “терроризмын хар ангал” гэж үзэж байна. Үүний зэрэгцээ АНУ-ын ерөнхийлөгч Барак Обамаг Sony Pictures рүү кибер дайралт хийлээ гэж хэлснийх нь төлөө буруутгаж байна. Үүний өмнө БНАСАУ-д хүний эрхийг зөрчиж байна, гэснийх нь төлөө тус улс Умард Солонгост халдахаар заналхийллээ хэмээн АНУ руу цөмийн цохилт өгөхөд бэлэн байна гэж  Гадаад хэргийн яам  нь мэдэгдэж байсан юм.
АНУ-ын тэргүүн Барак Обама саяхан Умард Солонгосыг терроризмын санхүүжүүлдэг орны жагсаалтад эргүүлэн оруулж болох юм гэж хэлсэн юм.
1987 онд Өмнөд Солонгосын Korean Airlines компанийн нисэх онгоцны сүйрлийн дараагаар БНАСАУ-ыг энэ жагсаалтад оруулаад байсан ч зургаан жилийн өмнө 2008 онгд АНУ тус улсыг энэ жагсаалтаас хассан юм.
Саяхан умардын удирдагч Ким Чен Уны амь насанд халдаж байгаа тухай “Ярилцлага” инээдмийн киног АНУ-д үзүүлж эхлэхтэй холбоотойгоор БНАСАУ-ын хакерууд Sony Pictures компанийн серверт халдаж мэдээллийг нь хулгайлсан гэж хардаж байгаа юм. Ингэснээр дэлгэцэнд хараахан гараагүй байсан кинонууд, холливудын жүжигчдийн хувийн мэдээлэл, европын орнуудын хааны гэр бүлийн талаарх баримтууд алга болжээ.
Барак Обама хакеруудын дайралт нь АНУ-д ихээхэн хохирол учрууллаа гэж хэлсэн байна.
Харин Пеньян америкчуудад энэ хэргийн хамтран мөрдөн шалгая гэсэн санадл дэвшүүлж байгаа юм.