Мексикийн  Чиуауа мужийн Буфало тосгонд гэрээс гаралгүй 30 жил хоригдсон хоёр эмэгтэйг хүний эрхийг хамгаалах комиссынхон сулласан байна. Хэвлэлийнхний мэдээлснээр бол тав, найман настай хоёр охиныг төрөл төрөгсөд нь 30 жилийн өмнө гэртээ харанхуй өрөөнд хорьж нэг ч удаа гадагш гаргаагүй байсан гэнэ. Тэд үүнийгээ хоёр бүсгүй сэтгэцийн өөрчлөлттэй гэж тайлбарлаж байгаа ч албаныхан тэдний гэрийнхнийг бүгдийг нь эмнэлгийн шинжилгээнд оруулах шаардлагатай гэж үзжээ.
35, 38 настай хоёр бүсгүй хар багаасаа нарны болон ер нь өдрийн гэрэл гэгээ үзэлгүй 30 жил болсон болохоор нүдийг нь битүү таглаж байгаад гаргасны дараа аажмаар дасгажээ. Тэдэнд эмнэлгийн анхан шатны тусламж үзүүлээд одоо эмчийн хяналтад байлгаж байна.
Хоёр бүсгүйн эрхийг удаан хугацаагаар  хасч хорионд байлгасан хүмүүсийн эмнэлгийн шинжилгээний хариу гарсны дараа хариуцлага тооцох л үлдэж байна гэж эрх баригчид нь мэдэгджээ.