ОХУ-ын Чеченийн бүгд найрамдах улсын тэргүүн Рамзан Кадыров оросын Дээд ерөнхий командлагчийн ямар ч тушаалыг биелүүлж, хэрэгтэй бол Украины Донбасст очиж байлдахад бэлэн гэдгээ мэдэгджээ.
“Би хэзээ ч популист мэдэгдэл хийж байгаагүй. Орос оронд  л хэрэгтэй бол ОХУ-ын Зэвсэгт хүчний дээд ерөнхий командлагч Владимир Путины ямар ч тушаалыг биелүүлнэ гэдгээ дахин хэлье. Донбасс байна уу, өөр газар байна уу хаана л хэрэгтэй байна би очиход бэлэн байна” гэж тэрээр “Интерфакс” агентлагт өгсөн ярилцлагадаа тэмдэглэжээ.
Тэрээр Донбасст сайн дураараа очиж байлдахад бэлэн байна гэж өнгөрсөн оны арванхоёрдугаар сард бас л мэдэгдэж байсан юм.