ОХУ болон Гаалийн холбооны бүрэлдэхүүнд багтдаг орнуудад энэ сарын нэгнээс эхлэн буруу талдаа жолооны хүрдтэй машиныг хөдөлгөөнд оролцохыг хориглолоо. Энэ журам Гаалийн холбооны гишүүн Белорус, Казахстанд нэгэн зэрэг үйлчилж эхэлжээ.
Хууль журам боловсруулагчид авто замын осол их гарч байгаа гэдгээр журмын өөрчлөлтөө тайлбарлаж байна. Статистик мэдээгээр дэлхий дээр 30 секунд тутам авто ослын улмаас нэг хүн нас барж, жилдээ 1,2 саяд хүрдэг гэсэн мэдээ бий.
Мөн 20-50 сая хүн авто ослын улмаас хүнд гэмтэл авдаг байна. Дэлхийн эрүүл мэндийн байгууллагын тооцоогоор 2020 он гэхэд авто ослын улмаас амиа алдагсдын тоо 60 хувиар нэмэгдэнэ гэсэн тоо ч бас байгаа юм.