Украины ерөнхийлөгч байгаад эх орноосоо зугтааж одоо Орост орогнож байгаа Виктор Янукович, түүний хүү Александр Янукович, украины ерөнхий сайд асан Виктор Азаров болон өндөр алба хашиж байсан бусад хэд хэдэн хүнийг олон улсын хэмжээнд эрэн суравжлах шийдвэр Олон улсын цагдаагийн байгууллага Интерполын тусгай комисс гаргасныг Украины Дотоод хэргийн  сайд Арсен Аваков мэдэгджээ.
Ерөнхийлөгч асан Виктор Януковичийг олон улсын хэмжээнд эрэн сурвалжилж байгаа тухай мэдээлэл Интерполын албан ёсны сайтад орсон байна. Түүнийг улсын өмч хөрөнгө завшсан, зохион байгуулалттай бүлэглэл үүсгэн улсад их хэмжээний хохирол учруулсан хэрэгт буруутгаж байгаа юм.
Харин ОХУ-ын ерөнхий прокурор Юрий Чайка үүний өмнө Виктор Януковичийг хүлээлгэн өгнө үү гэсэн хүсэлт Украины талаас огт ирээгүй гэж мэдэгдэж байсан юм.