Саяхан лалын зэвсэгт дайчдын халдлагад өртөж олон сэтгүүлчийнхээ амийг алдсан францын Charlie Hebdo шог сэтгүүл энэ аймшигт явдлын дараах анхны сэтгүүлийнхээ гадна хуудсанд гэгээн Мохаммедийн шог зургийг “Шарли-энэ бол би” гэсэн зүүлттэйгээр нийтэлж байна.
“Шарли-энэ бол би” гэсэн уриан дор дэлхийн олон улс оронд энэ сэтгүүлийн амиа алдсан сэтгүүлчид, цагдаагийн ажилтан, барьцаанд байсан хүмүүстэй сэтгэл санаа нэг,  эв нэгдэлтэйгээ байгаагаа илэрхийлэн эсэргүүцлийн жагсаал цуглаан болсон юм. Сэтгүүлийн энэ дугаар маргааш худалдаанд гарах юм. Үүний өмнө 14-ний дугаарыг хуучин гардаг 60 мянган ширхэг дээр нэмж нэг саяыг хэвлэнэ гэж байсан ч одоо 3,0 сая ширхгээр хэвлэн тараана гэж байгаа юм байна.
Нэгдүгээр сарын 7-нд парисын энэ сэтгүүлийн редакци руу лалын шашинтан хоёр этгээд зэвсэглэн халдаж 12 хүний амь хөнөөсний дотор ерөнхий редактор, хэд хэдэн шог зураач нь амь алдсан юм.