Оросын хугацаат цэргийн албан хаагч Валерий Пермяков гэгчийг  Армяны Гютри хотд  нэгэн гэр бүлийн зургаан хүнийг зэрлэгээр буудан хөнөөсөн хэрэгт  сэжиглэж байна. 18 настай түүнийг армян-туркийн хилээс холгүй Баяндур тосгоноос саатуулан баривчилж, одоо хилчид хяналтдаа байлгаж байгаа юм байна.  Орос цэргийг баривчилсан даруйдаа байцаасан ч энд тэрээр ямар мэдүүлэг өгсөн талаар хэвлэлүүд мэдээлээгүй байна.

                             Гэмт хэрэгт сэжиглэгдэж байгаа Валерий Пермяков

Валерий Пермяков нь армяны Гюмри дэх цэргийн 102 дугаар баазад танкийн механик жолоочоор ажиллаж байхдаа нэгдүгээр сарын 12-ны өдөр буу зэвсгээ аван ангиа орхин гарсан гэнэ.
Улмаар хотод орж ирээд Мясникяны гудамжин дахь Аветисяны гэрт орж тэнд байсан хүмүүсийг калашниковын автоматаар шүршиж алсан бололтой. Гэрт байсан зургаан хүн амь алдсан бол зургаан сартай хүүхэд хүнд шархтайгаар эмнэлэгт ирсэн байна.

Цагдаагийнхан эндээс 53 настай Сержа, 51 настай Асмик Аветсян, 33 настай хүү Армен, 35 настай охин Аида, 22 настай бэр Аракси болон хорё нас хүрэх гэж байсан ач хүү Асмик нарын цогцосыг илрүүлэн таньжээ.
Гэмт хэрэг өглөөний 6,30 цагт болсон байна.
Хэргийн газар луу орон нутгийн мөрдөн байцаах алба, хуулийнхан ажиллаж байна. Одоо хилийн цэргийнхний мэдэлд байгаа гэмт хэрэгтнийг түүний цэргийн алба хааж байсан цэргийн 102 дугаар баазад хүлээлгэн өгнө гэсэн мэдээлэл байгаа ч түүнийг Армяны талд шилжүүлэх эсэх нь одоогоор тодорхойгүй байна.