Хятадад нэртэй бизнесмэн, тэрбумтан Лю Ханийг зохион байгуулалттай гэмт хэрэг, хүн амины хэргийн улмаас цаазаар авсан байна. Гадаадын хэвлэлүүдэд мэдээлснээр бол 48 настай тэрбумтнаас гадна түүний төрсөн дүү Лю Вэй, гэмт бүлэглэлийн гурван гишүүнийг хамтад нь цаазаар авчээ.

Орон нутгийн хууль сахиулагчдын мэдээлж байгаагаар Лю Хань өөрийн дүүтэй хамт 1993 онд гэмт хэргийн бүлэглэл зохион байгуулж Сычуань мужид нутгийн байгууллага, аж ахуйн нэгжүүдийг хяналтдаа авсан гэнэ. Энэ бүлэглэлийнхэн даруй 10 орчим хүний аминд хүрсэн мэдээлэл ч байна.

Лю Хань болон гэмт бүлэглэлийн дөрвөн хүнд өнгөрсөн 2014 оны тавдугаар сард  цаазаар авах ял оноож бүлгийн 30 гаруй гишүүнд төрөл бүрийн хугацаагаар хорих ял тулгасан  юм.
Зарим эх сурвалжийн мэдээлж байгаагаар бол Лю Хань  өнгөрсөн онд баривчлагдаж, албан тушаалаасаа огцорсон  ХКН-ын Улс Төрийн товчооны байнгын хорооны гишүүн Жоу Юнкантай холбоотой байсан гэдэг.
Лю Хань нь 2012 онд гаргасан Хятадын хамгийн баян 500 хүний жагсаалтад 230-д орж байсан хүн юм.