Италийн Лампедуза арлын эрэг орчим цагаачдын сууж явсан хөлөг живж 29 хүн амь алдсан байна. Reuters агентлагийн мэдээлснээр бол хүмүүс хэт хүйтнээс болж тусламж үзүүлэхээс өмнө осгож нас барсан байна.
Хөлөг хшоёрдугаар сарын 8-ны ням гарагт живэхдээ ослын дохио өгч ослын газар луу италийн эргийн хамгаалалтын хэд хэдэн хөнгөн хөлөг хөдөлсөн ч цаг агаар таагүй, бараг найман метрийн өндөр давалгаатай, агаарын хэм тэгээс доош байсан нь аврах ажиллагаанд хүндрэл учруулан цаг алдсан гэжээ. Сүүлийн мэдээгээр хөлөг дээр умард африкийн орнуудаас ирж байсан цагаач 106 хүн байснаас одоо арав гаруй хүн сураггүй байгаа юм байна.