БНХАУ-ын Өвөр Монголын өөртөө засах орны шүүхээс цуврал алуурчин Жао Жихунд хуулийн дээд хэмжээ цаазаар авах ял оноолоо.
42 настай Жао Жихун 1996 оны дөрөвдүгээр сараас 2005 оны долдугаар сар хүртэл хүмүүсийн алж, эмэгтэйчүүдийг хүчирхийлэн хулгай дээрэм зэрэг нийт 21 гэмт хэрэг үйлдсэн нь мөрдөн байцаалтын явцад илэрсэн байна. Энэ хугацаанд тэрээр 10 хүн алж, 13 эмэгтэй, насанд хүрээгүй охидыг хүчирхийлэн 31,4 мянган юанийн эд хөрөнгө дээрэмдэн, 3500 орчим юаний эд зүйл хулгайлжээ.
Түүний 1996 онд Хөх хотод нийтийн бие засах газарт хөнөөсөн эмэгтэйг олж цагдаад мэдэгдсэн 18 настай нэгэн гэмгүй залууг энэ хэрэгт сэжиглэн цаазаар авч хороосон нь өнгөрсөн 2014 оны арванхоёрдугаар сард илэрч гэмгүй гэдгийг нь тогтоосон юм. Хятадын Засгийн газар гэм буруугүй атлаа цаазлуулсан тэр залуугийн ар гэрээс уучлал гуйж 330 мянган долларын нөхөн төлбөр олгосон юм.
Дунд шатны шүүхээс Жао Жихуны улстөрийн эрхийг бүх насаар нь хасч 53 мянган юаны торгууль оногдуулан, хохирогсдын ар гэрт 102 мянган юуны нөхөн төлбөр олгуулаад цаазаар авахаар шийдвэрлэсэн байна.