Америкийн Нью-Йоркийн цагдаагийнхан шоронгоос оргоод 37 жил болсон 64 настай эрийг баривчиллаа гэж The New York Daily News сонин мэдээлжээ.
Уолтер Миллер банк дээрэмдэх  гэсэн хоёр удаагийнхаа хэргийн төлөө 30 жил хоригдох ялаар шийтгүүлээд байснаа 1977 онд оргож өнөө хүртэл нью-йоркийн Бруклинд өөр нэрээр амьдарч байжээ. Тэрээр 1985 онд гэрлэж, үүнээс хойш дөрвөн хүүхэдтэй болсон байна.
Энэ хугацаанд янз бүрийн ажил хийж, сүмд очдогн гэмгүй нэгэн болоод  байж. Түүний хаана нуугдан амьдарч байгааг Умард Каролинад амьдардаг эгч нь л мэдэж байжээ.
Миллерийг шууд гэрийнх нь дэргэдээс өглөөгүүр Холбооны мөрдөх товчооныхон очиж баривчлаад ойрын үеэд түүнийг Умард Каролина руу илгээж шүүхээр оруулах юм байна. Хэдийгээр эдлэх ёстой ял нь өнгөрсөн ч гэсэн шоронгоос оргосны нь хувьд ямар ял оноох нь тодорхойгүй байна.
Миллерийн эхнэр хүүхэд нь харин түүний өнгөрсөн амьдралын талаар огт мэдээгүй ч, өдий хугацаа өнгөрсөн болохоор түүнийг өршөөх байх гэж итгэж байгаагаа хэлжээ.
Хуулийнхэн түүний мөрөөр хэрхэн орж, яаж  олж илрүүлсэн тухай тодорхойгүй ч Миллер өөрөө болохоор хуучин танилуудын нь нэг бууж өгч үнэнийг тоочсон байх гэж таамаглаж байгаа гэнэ. Миллер саяхан төрөл төрөгсдийнхөө нэгийн оршуулгад оролцохоор Умард Каролина, Вашингтоноор явж байхад нь тэд таньсан байх гэж байна.  
Шоронгоос оргоод олон жил болсон хэрэгтнийг баривчилсан тохиолдол ганц энэ биш. Өнгөрсөн нэгдүгээр сарын сүүлчээр Юта Мужийн Веллингтон хотын цагдаа нар шоронгоос оргоод 34 жил болсон 61 настай эрэгтэйг баривчилсан бол сяахан Мексикийн Гвадалахара хотын хууль сахиулагчид 40 жилийн өмнө шоронгооос оргож ял завшсан 81 настай америк эрийг бас баривчилсан юм.