Францын нийслэл Парисын ойролцоо Булоны ойд радио удирдлагатай нисгэгчгүй аппарат хөөргөж байсан лалын Аль-Жазира телевизийн гурван сэтгүүлчийг цагдаа нар саатуулсан байна. Тэдний нэг нь нисэх төхөөргийг удирдаж хоёр нь зургийг нь авч байжээ. Гэхдээ цагдаагийнхан энэ нь саяхан Парист болсон халдлагатай холбоотой эсэх нь тодорхойгүй байна гэсэн байна.
Даваа гарагаас мягмарт шилжих шөнө францын нийслэлд бас нисгэгчгүй ийм төхөөрөмж үзэгдэж шөнө дундаас  өглөөний зургаан цаг хүртэл Елисайн талбай, Зөвшилцлийн талбай, Эйфелийн цамхаг, Монпарнас цамхгийн орчмоор нисч нэг нь бүр АНУ-ын ЭСЯ-ны барилгын дэргэдүүр нисч байсан юм.
Хотын эрх баригчид үүнийг зүгээр танхайрал уу, зохион байгуулалттай халдлагад бэлтгэж байсан уу гэдгийг тайлахаар оролдож байна.