АНУ-ын Алабама мужийн Бирмингэм хотод өсвөр насны хүүхдүүдийн “Facebooк”-ээр хийсэн маргаан нэгнийхээ амь насанд хүрсэн гэмт хэрэг болон төгсчээ. Хэргийн улмаас 14 настай Киерра’онна Райс хэмээх охин өсвөр насны хөвгүүдэд буудуулан амиа алдсан байна.
Тэрээр өөрийн үеийн хэсэг охидтой “Facebook”-ээр муудалцаж, хотынхоо төв паркт өдөр товлон зодолдохоор тохиролцсон байж. Тэр бүү хэл охид зодооныхоо дүрс бичлэгийг олон нийтийн сүлжээнд тавихаар ярилцжээ. Гэвч охидын маргаан бодсон шиг нь зодооноор дууссангүй, тэдний нэгнийх нь найз хөвгүүн буу гаргаж ирээд гал нээснээр энэ бүхэн эмгэнэлтэйгээр дуусчээ.