МАХН-ын  дарга Н.Энхбаяр, дэд дарга Э.Эрдэнэжамьян нарыг ял эдэлсэн хугацаа нь дуусаагүй хэмээн УИХ-ын сонгуульд нэр дэвшүүлэхээс СЕХ татгалзсанаас үүдээд тэд, гишүүд дэмжигчидтэйгээ хамт өлсгөлөн зарлана гэнэ.
 
Тэд маргааш өглөөний 09,00 цагаас эхлэн нисйлэлийн төв Чингисийн талбайд нойтон өлсгөлөн зарлана гэдгээ намынхаа байранд мэдэгдлээ. Тэд өнөөдөр  нийслэлийн Сүхбаатар дүүргийн Эрүүл мэндийн нэгдэлд биеэ үзүүлж эрүүл мэндийн хувьд өлсгөлөн зарлаж болох эсэхээ хянуулан бэлтгэлээ хангасан юм байна.

Ийнхүү нэгэн цагт Өлсгөлөнгийн эсрэг өлсгөлөн зохион байгуулж, өлсгөлөн зарлаж шаардлага тавьсан хүмүүсийг өндөр дээрээс  тарган цатгалан нүдээр дооглон харж, өлсгөлөн бүү хэл лоозон барихыг хүртэл хориглож байсан Н.Энхбаяр өөрөө өлсгөлөн зарлах болж байгаа юм байна.