Цагдаагийн ерөнхий газрын Хэвлэл мэдээллийн төвийн дарга Б.Баатархүү өнөөдөр болсон үйл явдалтай холбогдуулан хэвлэлийнхэнд мэдээлэл өглөө. Тэрээр “Эрдэнэтийн 49 хувьтай холбоотой асуудлыг Цагдаагийн ерөнхий газар, Авлигатай тэмцэх газраас хамтарсан ажлын хэсэг шалгаж байна. Уг хэрэгтэй холбогдуулан хэрэг бүртгэлийн хэрэгт Худалдаа хөгжлийн банкны Төлөөлөн Удирдах зөвлөлийн дарга Д.Эрдэнэбилэг, тус банкны гүйцэтгэх захирал О.Орхон, “Монголиан коппер корпорейшн” ХХК-ийн гүйцэтгэх захирал Ц.Пүрэвтүвшин нарыг авчраад шалгаж байна. Мөрдөн шалгах ажиллагаа явагдаж байна. Мөрдөн шалгах ажиллагаа явагдаж байгаа учраас дэлгэрэнгүй мэдээлэл өгөх боломжгүй” гэв.