Мэргэжлийн хяналтын ерөнхий газрын даргын баталсан 01/112 тоот удирдамжийн дагуу Баянзүрх дүүргийн 11 дүгээр хорооны нутаг дэвсгэрт байрлах “Асем вилл” хотхоны үйл ажиллагаанд хамтарсан хяналт шалгалт хийжээ. 
Шалгалтаар “Бьюлдинг Мэйнтэнэнс сервисэс” ХХК нь Скай ресорт цанын баазын зүүн талын уулын энгэрт шугам засвараас гарсан хаягдал мөс, лаг шаврыг ил задгай асгасан, хог хаягдлыг зориулалтын бус цэгт хаясан зөрчил илрүүлсэн байна. Зөрчлийн тухай хуулийн дагуу тус компанид торгуулийн арга хэмжээ ногдуулан, зөрчлийн үр дагаврыг арилгах 14/09 дугаартай эрх бүхий албан тушаалтны даалгавар өгч, биелэлтийг хангуулж ажиллажээ.