Жолоочийн цусанд архи согтууруулах бодис, алкоголь байгаа эсэхийг үлээгүүр ашиглан шинжлэх аргыг хамгийн анх 1967 оны аравдугаар сарын 8-нд Их  британид туршиж хэрэглэж эхэлжээ. Үүнээс хойш 10 жил өнгөрөхөд үүний ачаар 6000 хүнийг авто ослоос сэргийлж чадсан гэсэн дүгнэлтэд хүрсэн байна.
Гэхдээ л дэлхийн аль ч улсад согтууруулах ундаа хэрэглэсэн үедээ машин жолоодох явдал тасрахгүй байгаагаас улс орнууд хууль дүрэм, оногдуулах шийтгэлээ чангатгасаар байна. Дэлхийн ямар улсад ямар шийтгэл оногдуулдаг вэ.

1.    Беларусь

Жолооч эхний удаа 0,04 промилиэс хэтрүүлэн согтууруулах ундаа хэрэглсэн байвал 12,5 мянган доллараар торгож, машин жолоодох эрхийг нь 3 жилээр хасна. Давтан үйлдвэл эрүүгийн хэрэг үүсгэн шорон руу илгээнэ дээ.
 
2.    Чех

Чех, Унгар, Словак, Румын улсуудын хувьд 0,0 промилиэс хэтэрсэн л бол 200-470 еврогоор торгоно.

3.    Хорват

Энд бол арай зөөлөн гэж болно. 0,5 промиль буюу 40 гр цагаан архи, нэг бокал цагаан дарс уусныг тооцохгүй. Харин хөдөлгөөний дүрэм зөрчиж осол гаргавал 70 еврогийн торгууль хүлээнэ.

4.    Герман

Баруун европын орнуудад 0,5 промилиэс эхэлнэ. Гэхдээ осол гаргавал 0,0-оос тооцно. Согтууруулах ундаа хэрэглэсэн үедээ машин барьсан бол 500 евро, хоёр дахь удаад 1000 евро, гурав дахид нь бол 3000 еврогийн торгууль  төлөх хэрэгтэй болно.

5.    Их британи

Энд бас 0,8 промиль буюу хоёр бокал дарс уусан бол асуудалгүй. Гэхдээ хэтрүүлбэл торгууль нь 7200 евро. Энд хамгийн анх таксины жолооч Жорж Смит гэгч 1897 оны есдүгээр сарын 10-нд согтуугаар машин жолоодсоныхоо төлөө 25 шиллингээр торгуульж байсан гэдэг.

6.    Франц

Энд торгууль нь хэлбэлзэлтэй. 0,8 промиль хүртэл согтуугаар машин барьсан бол 135 еврогийн торгуультай бол үүнээс хэтрүүлсэн байвал 4500 евро, харин осол гаргавал 30 мянган евро төлөх хэрэгтэй болно. Бүх жолооч өөртөө согтуурал хэмжих багажтай байхыг шаарддаг, зоогийн газраас гараад жолооны ард суухын өмнө зкаавал шалгах ёстой.

7.    АНУ

АНУ-д хатуу ундаа хэрэглэсэн л бол шоронд 6 сараас нэг жил хүртэл сууж, жолооны эрхээ удаан хугацаагаар хасуулна л даа. 21-ээс дээш насны жолооч 0,8 промилиэс хэтрүүлбэл анхны удаа 300 долларын торгууль төлж жолооны эрхээ хагас жилээр хасуулна. Хоёр дахь удаад бол торгууль 5000 болж, гурав дахь удаад 10 мянган доллар болно. Осол гаргавал 10 жил шоронд сууна даа.

8.    Сингапур

Энд бол согтуугаар машин барьсан бол жолооч та нэг метр хэртэй саваагаар балбуулна. Тэгээд 200-300 сингапур долларын торгууль төлөөд сална даа. Харин 0,08 промиль хүртэлх хэмжээгээр амссан бол өршөөнө.

9.    Хятад

Хятадад хуурай хууль үйлчилдэг. Авто осол гаргасан бол шууд л цаазын ял хүлээж байгаа. Осол гаргаагүй ч согтуугаар машин барьж байгаад баригдвал 1-6 сараар шоронд сууж  машин барих эрхээ гурван жилээр хасуулна.

10.    Тайланд

Согтуугаар машин барьж яваад осол гаргаж хүний аминд хүрсэн бол шууд л цаазаар авхуулна. Гэхдээ энд 0,05 промиль хэмжээний хэрэглээг зөвшөөрдөг.

11.     Япон

Арлын оронд 0,03 промилиэс илүгээр согтуурлын байдалтай байхад л их хэмжээний торгууль, удан хугацаагаар машин барих эрхээ хасуулах шийтгэл хүлээж байгаа. Осол, зөрчил гаргавал эрхээ 10 жилээр хасуулна. Энд бас согтуугаар машин  барьсан жолооч төдийгүй сууж явсан зорчигчийг торгоно. Насанд хүрээгүй хүүхэд авч явахдаа согтуугаар машин барьсан бол 3000 долларын торгууль хүлээнэ. Зорчигчдын юм ууу, жуулчдын жолооч согтуу байвал 8700 долларын торгууль хүлээх юм уу таван жил шоронд суух хэрэгтэй болно. Жолооны эрх бол мэдээж насан туршдаа байхгүй гэсэн үг. Жолооч гэдгийг нь мэдсээр байж согтууруулах ундаа өгсөн барны лицензийг нь хураана.