Орхон аймгийн Онцгой байдлын газрын Аврах, гал унтраах 56 дугаар ангийн аврагч-гал сөнөөгч Ч.Алтанбагана мэргэжлийн ур чадвар гарган гурван хүний алтан амийг аварчээ.  
Тус аймгийн Баян-Өндөр сумын Рашаант багийн 40 дүгээр гудамжны 12 тоот айлд энэ сарын 4-ний орой гал гарах үед аврагч гэртээ амарч байсан гэнэ. Гэртээ байх үедээ хөрш айлынхаа үүдний амбаар шатаж байгааг хараад яаравчлан мэргэжлийн дагуу арга хэмжээ авч дотор нь байсан 54-59 насны хоёр эмэгтэй, гурван настай хүүхдийг гаргаж, амийг нь аварсан байна. Баатарлаг үйл бүтээсэн аврагч ахлах ахлагч цолтой нэгэн аж.