Засгийн газрын ээлжит хуралдаан өнөөдөр 16 цагаас Засгийн газрын хуралдааны танхимд болно.

Хуралдаанаар Хөрөнгө оруулалтын тухай хуульд нэмэлт, өөрчлөлт оруулах тухай, Эрчим хүчний тухай хуульд нэмэлт, өөрчлөлт оруулах тухай, Сэргээгдэх эрчим хүчний тухай хуульд нэмэлт, өөрчлөлт оруулах тухай хуулийн төсөлд Засгийн газраас өгөх санал, дүгнэлтийн тухай, Архидан согтуурахтай тэмцэх тухай хуульд нэмэлт, өөрчлөлт оруулах тухай, “Тавантолгойн нүүрсний ордыг хөгжүүлэх талаар авах арга хэмжээний тухай” УИХ-ын тогтоол, үзэл баримтлалын тухай, Төрөөс эрчим хүчний талаар баримтлах бодлого батлах тухай зэрэг нийт 14 асуудал хэлэлцэх юм. Төсвийн ерөнхийлөн захирагч нарын 2014 оны худалдан авах ажиллагааны үнэлгээний тухай, Ашигт малтмалын тусгай зөвшөөрөл олгож буй ажлын явцын тухай, Алтны олборлолтыг нэмэгдүүлж, эдийн засгийг эрчимжүүлэх талаар хэрэгжүүлж буй ажлын явцын тухай зэрэг нийт 9 асуудлыг холбогдох сайд нар Засгийн газрын хуралдаанд танилцуулах аж.