2016 онд Монгол Улс АСЕМ-ын Дээд түвшний уулзалт болон түүний бусад олон арга хэмжээг зохион байгуулахад БНХАУ-аас үзүүлэх техникийн туслалцааны асуудлыг эцэслэн нарийвчлан хэлэлцэхээр ГХЯ-ны АСЕМ-ын Бэлтгэл ажлын албаны орлогч дарга Б.Баясгалан тэргүүтэй төлөөлөгчид 2015 оны 9-р сарын 16-19-ны өдрүүдэд Бээжин хотноо ажиллаж БНХАУ-ын Худалдааны яам, Хорио цээр хяналтын байгууллага, Тинтан улсын үйлдвэрийн газруудтай уулзалт хийв.

БНХАУ-аас үзүүлэх техникийн туслалцааг АСЕМ-ын уулзалтын хурлын танхимын тохижилт, аюулгүй байдлыг хангах болон ёслол хүндэтгэлийн үйл ажиллагаа, зочид буудлын тохижилт болон Чингис хаан олон улсын нисэх буудлын чадварыг нэмэгдүүлэх чиглэлээр авахаар тохиролцоод байна.