Засгийн газраас ирэх оны төсвийн төсөлд говийн бүсэд нефть боловсруулах үйлдвэр байгуулах төслийн Техник эдийн засгийн үндэслэл боловсруулахад шаардагдах 1,8 тэрбум төгрөгийг тусгаж оруулсан юм. Гэвч УИХ-ын ажлын хэсгийн түвшинд хасагдсан байгаа нь нэлээд маргаан дагуулаад буй. УИХ-аас гарсан шийдвэрийн дагуу Засгийн газар төсөвтөө тусгахаар оруулсан байхад ажлын хэсэг дур мэдэн шийдсэн нь хууль зөрчсөн асуудал болоод байна. Олон жил гацаж удааширсан нефть боловсруулах үйлдвэрийн төслийн ТЭЗҮ хийх төсвийг хасаад хэрэгтэй хэрэггүй барилга байшинд зарцуулахаар болсоныг эсэргүүцсэн учир УИХ-ын чуулганаар санал гаргаж, эргэн оруулахыг Аж үйлдвэрийн сайд Д.Эрдэнэбат хүссэн.  Төр бодлогоор нефтийн бүтээгдэхүүнээ боловсруулах асуудлыг шийдэх байсан ч харамсалтай нь урьд өмнөх шигээ улстөржсөн саналуудаа дэмжээд явлаа.
Илүү зардлаа танаж, хэрэгтэй зүйлдээ төсөв мөнгө тавья гэж УИХ-ын гишүүд санал гаргаж байсан ч ярьснаасаа эсрэг үйлдэл үзүүлэх болов. Үүнийг Сангийн сайд Б.Болор төсөв хэмнэх талаар ам уралдуулан ярьж байсан гишүүд маш их хэмжээгээр зардал нэмлээ гэж ч байсан юм.