МАН-ынхан гуравдугаар бага хуралдаанаа хийлээ. Энэ үеэр сонгуульд ямар журмаар нэр дэвших болоод хүний нөөц, санхүүжилт, сонгууль зэрэг сэдвийг хөндөн ярилцав. МАН-ын даргын улс төрийн илтгэлийн дараагаар тус намын нарийн бичгийн дарга Ж.Мөнхбат хуралдааныг хаалт­тайгаар хийж, улс төрийн илт­гэлд үнэлэлт, дүгнэлт өгсөн юм.

Энэ үеэрээ удирдах зөв­лө­лийн гишүүдийн тоонд өөрч­лөлт оруулсан бөгөөд нэр дэвшүүлэх журамдаа ч гар хүрчээ. Ямартай ч, МАН-ыг тэргүүлж байсан Ө.Энхтүвшин, Сү.Батболд хоёрыг удирдах зөвлөлийн гишүүнээр сонгосон байна. Мөн УИХ дахь МАН-ын бүлгийн дарга С.Бямбацогт, нийслэлийн МАН-ын бүлгийн дарга Д.Амарбаясгалан болон МАН-ын генекээр ажиллаж байсан гэдгээр нь У.Хүрэлсүх, Г.Занданшатар удирдах зөв­лөлд багтсан байна. Түүнч­лэн тус намын дэргэдэг тө­рийн бус байгууллагын тэр­гүүнүүд удирдах зөвлөлд баг­таж, ирэх оны сонгуульд хэрхэн оролцох, хэн хэнийг нэр дэвшүүлэх зэрэг чухал асуудлыг нугалахаар болжээ.