Монгол Улсын Ерөнхийлөгчийн өргөн мэдүүлсэн “Сонгогдсон болон томилогдсон төрийн өндөр албан тушаалтанд хариуцлага хүлээлгэх тухай хууль”-ийн төслийг хэлэлцэх эсэхийг УИХ-ын нэгдсэн чуулганаар хэлэлцэх явцад УИХ-ын гишүүн Ж.Батзандан ингэж мэдэгдлээ.

Тэрээр “УИХ-ын гишүүнийг эргүүлэн татах асуудал нь зөв. Гэхдээ хэлбэрийн төдий заалтууд байна. Тиймээс Үндсэн хуулийг өөрчлөх ёстой. Монгол төрд хулгайч нар үүрлэчихсэн байхад энэ хууль хэрэгжих боломжгүй” гэлээ.

Энэ хуулийн төсөлд Улсын Их Хурлын гишүүнийг эгүүлэн татах асуудлын тухайд тойргоос сонгогдсон гишүүнийг сонгогчдоос гаргасан хүсэлт, нам, эвслийн нэрсийн жагсаалтаар нэр дэвшиж сонгогдсон гишүүнийг анх нэр дэвшүүлсэн намын бага хурал, түүнтэй адилтгах нэгжийн гаргасан хүсэлтийг тус тус үндэслэн Улсын Их Хурлын чуулганд оролцсон нийт гишүүдийн олонхийн саналаар шийдвэрлэнэ гэж заасан байгаа юм.