Намын дарга Н.Энхбаяр, дэд дарга Э.Эрдэнэжамьян нарыг ял эдэлсэн хугацаа нь дуусаагүй хэмээн УИХ-ын сонгуульд нэр дэвшүүлэхээс татгалзсан СЕХ-ны шийдвэрийг эсэргүүцэж МАХН-ын удирдлага, дэмжигч гишүүд нь өлсгөлөн зарлаад хоёр хонолоо.

Энд одоогийн байдлаар МАХН-ын дарга Н.Энхбаяр, УИХ-ын гишүүн О.Баасанхүү, МАХН-ын ерөнхий нарийн бичгийн дарга Ж.Сүхбаатар, Монгол Улсын Төрийн шагналт, Гавьяат жүжигчин Ц.Төмөрбаатар  нарын 17 гишүүн нойтон өлсгөлөн зарлан сууж байна.

Анх тэд энэ эсэргүүцлээ Чингисийн талбайд илэрхийлж тэнд өлсөнө гэсэн боловч Нийслэлийн Цагдаагийн газраас зөвшөөрөл өгөөгүй учраас намын байрныхаа тэнд гэр барин сууж байгаа юм.