Монгол Улсын Ерөнхийлөгчийн зарлигийн дагуу өнөөдөр 11.00 цагт УИХ-ын анхдугаар чуулган хуралдана. Чуулганы хуралдааныг энэ удаа УИХ-д сонгогдсон хамгийн өндөр настай Ч.Улаан даргална.

Шинээр байгуулагдах УИХ-ын 65 гишүүн зөвхөн МАН-ын бүлгийг төлөөлөх бол сөрөг хүчин болох Ардчилсан намын бүлэг есөн гишүүнтэйгээр, МАХН, бие даагчдыг төлөөлөн тус бүр нэг гишүүн ажиллах юм.
Сонгуульд МАН  үнэмлэхүй олон суудал авсан болохоор элдэв маргаан, саснал зөрөх зүйлгүй бүх зүйлийг олонхиороо түрэн шийдвэрлээд явах нь ойлгомжтой.

Энэ өнцгөөс харвал  Засгийн газар нь тогтвортой ажиллах боломж бий. Сөрөг хүчин МАН-ын мөрийн хөтөлбөрийг өдөр бүр ширээн дээрээ тавьж сануулж ахжиллана гэж сонгуулийн маргаашаас хэлээд байгаа ч тэдний үгийг эрх баригчид сонсохгүй, өөрсдийн зоргоор  машиндаад эхлэх нь анзаарагдаж байна.
Юутай ч долоо дахь удаагийн УИХ өнөөдөр анхдугаар чуулганаа хийж, гишүүд нь тангаргаа өргөн ажилдаа орох нь.