"Монгол Улсын  Төрийн далбаа"-ны өдрийг жил бүрийн Үндэсний их баяр наадмын өмнөх өдөр, долдугаар сарын 10-ны өдөр орон даяар тэмдэглэдэг уламжлалтай. 2008 оноос хойш, найм дахь жилдээ тэмдэглэж буй энэ баяраар нийслэлийн төв талбай Чингисийн талбайд Монгол Төрийн далбаа мандуулж, төр засгийн удирдлагууд хүндэтгэл үзүүлэн Цэргийн парад болдог.

Тулгар төрийн 2225, Их Монгол улсын 810, Ардын хувьсгалын 95 жилийн ой тохиож байгаа энэ жилийн үндэсний их баяр наадмын өмнөх Төрийн далбааны өдрөөр зэвсэгт хүчин, цагдаа, хилийн цэрэг, онцгой байдал, шүүхийн шийдвэр гүйцэтгэх албаны нийт 2000 гаруй дүрэмт хувцастнууд жагсаж Монгол Төрийн далбаанд хүндэтгэл үзүүлнэ.