УБТЗ-ын хувь нийлүүлсэн нийгэмлэгийн Нэгдсэн эмнэлгийн байранд БНСУ-ын 8 эмч, 60 туслах ажилтан үзлэг, оношилгоо, эмчилгээ хийж байсныг МХЕГ-аас шалгаж Монгол Улсын эмийн бүртгэлд бүртгэгдээгүй, зөвшөөрөлгүй эм, эмнэлгийн хэрэгслийг битүүмжлэн, зөрчлийн хэрэг үүсгэн шалгаж байна.
Манай улсад гадны эмч нар сайн дурын болон бусад хэлбэрээр ажиллахдаа Монгол Улсын холбогдох хууль, дүрэм журмын дагуу лиценз, зөвшөөрөлгүйгээр ажиллах, баталгаажилт, бүртгэлгүй эм, эмнэлгийн хэрэгслээр, эрүүл ахуй, халдвар хамгааллын дэглэм хангаагүй байранд эмнэлгийн тусламж үйлчилгээ үзүүлэх зөрчил удаа дараа гарч байгаа аж. Иймд   иргэдийг эмчлэх эрхийн зөвшөөрөлтэй эмчээр, шаардлага хангасан орчинд, баталгаат эм, эмнэлгийн хэрэгслээр үйлчлүүлэхийг анхааруулж байна.