Баянзүрх дүүргийн 6 дугаар хорооны нутаг дэвсгэрт байрлах ерөнхий боловсролын Арвис сургуулийн цайны газрын үйл ажиллагаанд эрүүл ахуй халдвар хамгааллын хяналтын чиглэлээр хяналт шалгалт хийлээ.

Хяналт шалгалтаар хоол үйлдвэрлэл үйлчилгээнд хэрэглэж буй хоолны хэрэгслийн цэвэрлэгээ халдваргүйтгэлийг графикийн дагуу тогтмол хийгээгүй, хоол хүнсний бүтээгдэхүүний хадгалалтын горим зөрчсөн үйлчилгээнийхээ чанар аюулгүй байдлыг хангаагүй, эрсдэлээс урьдчилан сэргийлээгүй, үүсэх сөрөг үр дагавар, илэрсэн зөрчил дутагдлыг шуурхай арилгах арга хэмжээг аваагүй зөрчил илрүүлж Монгол Улсын Зөрчлийн тухай хуулийн 6.17 дугаар зүйлийн 3 дахь хэсэгт заасныг удирдлага болгон шийтгэл ногдуулан, зөрчлийг арилгах даалгавар өгч гүйцэтгэлд хяналт тавьж ажиллалаа.