“Ардчилсан оюутны холбоо” Монгол Улсын 21 аймагт “Ахмад үеэ сонсъё” аяныг амжилттай зохион байгууллаа. Тус аяныг Ардчилсан намын салбар хороодтой цаашдын хамтын ажиллагааг сайжруулах, ирээдүйд, хэрэгжүүлэх ажлын төлөвлөгөөнүүдэд санал солилцох, гишүүд дэмжигчдийг идэвхжүүлэх ахмад үе, дунд үе, залуу үеийнхний хоорондын уялдаа холбоог сайжруулах зорилгоор зохион байгуулсан юм. 

Аян хоёрдугаар сарын 25-аас гуравдугаар сарын 22-ны өдрүүдэд үргэлжилж, нийт 1200 гаруй ахмадтай уулзаж, санал бодлыг нь сонсчээ. "Ахмад үеэ сонсъё" аяны тайланг энэ сарын 25-нд УИХ-ын гишүүн, Ардчилсан намын дарга С.Эрдэнэ болон Ерөнхий нарийн бичгийн дарга Ц.Туваан, Намын байгуулалтын хэлтсийн дарга Л.Баттүвшин нарт хүргүүлсэн байна.