Монгол, Хятадын дипломат харилцаа тогтсоны 70 жилийн ойд зориулан бид анх удаа хөрш орнуудын аялал жуулчлалын салбарыг шинжлэх ухааны үндэслэлтэй хөгжүүлэх зорилгоор “Нэг, бүс Нэг зам-Аялал Жуулчлал 2019” сэдвийн дор олон улсын эрдэм шинжилгээний хурал боллоо.
Хуралд БОАЖ-ын дэд сайд Ц.Батбаяр, АЖБЗГ-ын дарга С.Баясгалан, БНХАУ-ын орлогч сайд Yang Qing Dong, соёлын зөвлөх бөгөөд Улаанбаатар дахь Хятадын соёлын төвийн захирал Li Wei, ОХУ-ыг түр хамаарагч Лиштованный, ХААИС-ийн захирал, доктор, профессор Т.Хэрүүга, БНХАУ-ын Хэбэй мужийн Аньхуй их сургуулийн доктор, Орос судлалын төвийн эрхлэгч Ши Хуншэн, ОХУ-ын түүхийн ухааны доктор, Орос-Хятад, Орос-Монгол сэтгүүлийн эрхлэгч Владимира Брежнех зэрэг гурван усын төлөөлөгчид хүрэлцэн ирэв. Мөн Нийслэлийн аялал жуулчлалын газар, Монголын аялал жуулчлалын холбоо, ХААИС, МУИС, ШУТИС, СУИС, МҮИС, Цайны замын чиглэлийн судалгааны байгууллагууд, аялал жуулчлалын хувийн хэвшил, судалгааны байгууллагуудын төлөөлөл зэрэг 80 орчим зочид оролцлоо.
Энэ удаагийн хурлаар: хөрш орнуудын аялал жуулчлалыг судалгаа шинжилгээний үндэстэй хөгжүүлэх, аялал жуулчлалын ач холбогдлыг нэмэгдүүлэх, хөрш орнуудын хамтарсан судалгаа явуулах арга замыг тодорхойлох, судалгаа шинжилгээ, инновацид суурилсан төсөл, хөтөлбөрүүдэд төр, хувийн хэвшил, эрдэмтэн судлаачдын түншлэл, хамтын ажиллагааг дэмжих, хоёр орны судлаачдын цаашдын хамтын судалгааны чиглэлийг судалгааны үр дүн, бүтээл хэлбэрээр мэдээллийн санд нэгтгэх, эрдэм шинжилгээ, сургалт-үйлдвэрлэлд нэвтрүүлэх зэрэг ач холбогдолтой юм.
Монгол улсад аялал жуулчлалыг оновчтой хөгжүүлэхэд хөрш улс гүрний их, дээд сургууль, эрдэмтэн багш, судлаачдын хамтын ажиллагаанд ихээхэн чухал үүрэгтэй юм.
