Монголоос гаралтай хууль бус мөнгийг угаасан хэрэгт Хонконгийн “Hong-kong Shanhai Banking Corporation” банк холбогджээ. HSBC нь дэлхийн олон оронд салбартай томоохон банкны нэг.
МАХН-ын дарга, Ерөнхийлөгч асан Н.Энхбаяртай хамт шүүхээс ял сонссон Ж.Мягмаржаргалын Хонконгод бүртгэлтэй “Хэлон”, “Грийт глобал интернэшнл” компани мөнгө угаасан хэрэгт холбогдсон. Эдгээр компанийн нэр дээр “Эрдэнэт” үйлдвэрт ган бөмбөлөг нийлүүлэх гэрээ хэд хэдэн удаа байгуулж, захирал нь 3,9 тэрбум төгрөгийн хохирол учруулсан хэргээр буруутгагдаж, шүүхээс ял сонссон билээ. Ингэж хууль бусаар олсон орлогоо дээрх HSBC банкинд байршуулж, авсан нь тус банкийг мөнгө угаах хэрэгт холбогдсон гэж буруутгахад хүрсэн тухай Хятадын хэвлэлүүд бичиж байна.
Арилжааны банкууд нь хууль бус мөнгө байршуулахгүй байх, хууль бус мөнгө орж ирэхэд хяналт тавих үүрэгтэй. HSBC банкийг Хонконгийн санхүүгийн салбарынхан үүнд хяналт тавиагүй гэж буруутгаж байгаа гэнэ.