ОХУ-ын Екатеринбург хотод найз бүсгүйтэйгээ муудалцсан 23 настай Евгений Мякишев гэгч залуу өөрийгөө дүүжилж амиа егүүтгэжээ. Гэрийнхэн нь түргэн тусламж дуудахад 14 минутын дараа  ирсэн эмч нарын хэсэг үзлэг хийхэд залуу хэдийнээ бүр нэг цаг хагас, хоёр цагийн өмнө нас барсан байж. Ийм учраас сэхээн амьдруулах ямар ч арга хэмжээ нэмэргүй хэмээн учрыг гэрийнхэнд нь хэлээд гарцгаасан байна. “Залуу нас бараад 1,5-2 цаг болчихсон байсан. Ийм тохиолдолд ямар ч арга хэмжээ аваад нэмэргүй. Бүхий л шинж тэмдгээр тэр нас барсан байсан” гэж хотын түргэн тусламжийн газрын оперативын жижүүр Матвей Демин хэлжээ.
Эмч нар гадагшаа гартал талийгаачийн найз согтуу хэдэн залуу байснаа залууг сэхээхийг шаарджээ. Үнэн байдлыг хэлтэл  нэг нь “Эмч нарыг балбаад”, “Шээснүүд” хэмээн хашгиран дайрсан гэж зодуулсан эмч  Виктор Наливайко ярьсан байна.

Бага эмч эмэгтэй зугтан гарч машиндаа орсон ч танхайчууд машиныг нь хамаг цонх шилийг нь хагалан сүйтгэжээ. Азаар энэ үеэр цагдаа дуудаж амжсанаар хуулийнхан тэднийг саатуулан барьсан байна.
“Халдлагын үеэр 54 настай эмч, 53, 32 настай эрэгтэй эмэгтэй хоёр бага эмч, 46 настай жолооч нар зодуулж бэртсэн. Сэжигтэн гурван этгээдийг бүгдийг нь баривчлан саатуулсан” гэж цагдаагийн газраас мэдээлжээ.
Гэмт хэрэгт бусдыгаа уриалсан 26 настай узбек залууг баривчилж, нөгөө хоёр сэжигтнийг батлан даалтад гаргасан гэнэ.