“Лалын ахан дүүс” хөдөлгөөнийг дэмжигч 183 хүнд Египетийн шүүх цаазаар авах ял оноолоо.

2013 оны наймдугаар сард цагдаагийн газарт халдан 15 хүн, тэдний дотор цагдаагийн албан хаагчдыг хөнөөсөн хэргээр тэдэнд өчигдөр ялын дээд хэмжээ оноосон гэж тус улсын төрийн өмчийн телевиз мэдээлжээ.

Египетийн шүүхүүд “Лалын ахан дүүс”-ийн удирдагч болон дэмжигч нийт 700 гаруй хүнд цаазаар авах, бүх насаар нь шоронд хорих ял оноогоод байна.

Төрийн эргэлт хийн Ерөнхийлөгч Мухамед Мурсиг түлхэн унагаасны дараа байгуулагдсан одоогийн засгийн газрыг лалын тус хөдөлгөөн эсэргүүцдэг юм.

Даваа гарагт 183 хүнд цаазаар авах ял оноосныг Египетийн эрүүгийн хуулийн тогтолцоо нэг талыг барин ялгаварлан гадуурхаж буйн бас нэг жишээ гэж олон улсын хүний эрхийн төлөө тэмцэгч “Эмнэсти Интернэшнл” төрийн бус байгууллагын дэд захирал Хассиба Хадж шүүмжилсэн.