Саналын хуудас хэвлүүлэх, санал тоолох төхөөрөмж шалган баталгаажуулах тэдгээрийг тээвэрлэн хүргэх ажил дуусах шатандаа орсон гэж Сонгуулийн ерөнхий хорооноос мэдээллээ. Өнөөдрийн байдлаар Баян-Өлгий, Говь-Алтай, Завхан, Увс, Ховд зэрэг алслагдсан аймгуудын  саналын хуудас, мөн долоон аймгийн  санал тоолох техник төхөөрөмжийг  тус тус хүргэээд байгаа гэлээ.  Бусад аймаг, нийслэлийн дүүргүүдэд хүргэх саналын хуудсыг хэвлэж дуусгах, санал тоолох техник төхөөрөмж тээвэрлэн хүргэх ажил үргэлжилж байна. Өнөөдөр гэхэд эдгээр ажлыг бүрэн дуусгахаар ажиллаж байгаа аж.
Саналын хуудасны эх бэлтгэх, хэвлэх, боож баглах, хүлээлцэх болон санал тоолох техник төхөөрөмжийг нэгбүрчлэн шалгаж баталгаажуулах, тэдгээрийг тээвэрлэн хүргэх ажлыг Ажлын хэсгийн гишүүд, нам, эвсэл, төрийн бус байгууллагын ажиглагчид ажиглаж байгаа билээ.Энэ удаагийн сонгуульд нийтдээ санал тоолох 2500 ширхэг төхөөрөмж ашиглах юм.