Ерөнхий сайд Ч.Сайханбилэгийг огцруулахаар  УИХ-ын 20 гишүүн гарын үсэг зурсан эрхэм гишүүн Г.Уянга мягмар гарагт УИХ-ын даргад өргөн барьсан. Ерөнхий сайд Ч.Сайханбилэг Дубайд гарын үсэг зурж, баталгаажуулсан Оюутолгойн далд уурхайн хөрөнгө оруулалтын гэрээ нь Монгол Улсад ашиггүй гэдгийг мэдсээр байж ийм алхам хийсэн гэж эрхэм гишүүд үзэж байгаа юм.

Ерөнхий сайд Ч.Сайханбилэгийг огцруулах асуудлыг өнөөдөр  хэлэлцэхээр УИХ-ын чуулганаар хэлэлцэх асуудлыг дөрөвдүгээрт бичжээ.
Өнөөдөр энэ  асуудлыг Төрийн байгуулалтын байнгын хороогоор хэлэлцээд, чуулганы нэгдсэн хуралдаанд оруулах юм байна. 

Ерөнхий сайдыг огцруулах бичигт УИХ-ын гишүүн Су.Батболд, Ц.Дашдорж, Д.Лүндээжанцан, Ц.Нямдорж, Ё.Отгонбаяр, Ч.Хүрэлбаатар, Ж.Энхбаяр, Б.Бат-Эрдэнэ, Д.Сарангэрэл, О.Содбилэг, А.Телейхан, Д.Хаянхярваа, Ж.Батсуурь нар МАН-аас гарын үсэг зурсан бол  Ц.Даваасүрэн, Х.Болорчулуун, С.Ганбаатар нарын бие даагчид,  “Шударга ёс” эвслээс Л.Цог, О.Баасанхүү,  АН-аас Р.Амаржаргал  Г.Уянга нар гарын үсэг зурсан юм.

Харин Р.Амаржаргал гишүүн энэ бодлоосоо няцаж нэрээ татсан гэсэн мэдээлэл бий.