Олон улсын худалдааны төв хэмээдэг Нарантуул захад өнөөдөр өглөөний 03,00 цагийн үед  гал гарсан байна. Дуудлагаар очсон Онцгой байдлын гал унтраах найман анги шуурхай ажиллаж  галыг бүрэн унтраажээ. Гал тус захын задгай талбайн хэсэгт бөс бараа худалддаг лангуудын орчим  гарсан байна. Галын шалтгаан болоод хохирлын хэмжээ тодорхойгүй байна.

2013 оны наймдугаар сарын 22-нд Нарантуул захын Хүнсний зах шатаж нэг хүн амь эрсдэж, олон зуун түрээслэгч эд хөрөнгө, сэтгэл санаагаараа хохирч байсан юм.  Мөн өнгөрсөн оны аравдугаар сарын 5-нд энэ захын  нийтийн бие засах газарт гал гарч нэлээд хэмжээний эд зүйл шатаж байжээ.